ang gamayng bato

gihanyagan kita sa pagpili
sa gamayng bato o dili ba
sa usa ka puti nga bulak
o dili ba sa usa ka panganod

mopili kita sa usa lamang
kanila
gihatag ang mga tigmo
og kita ang motubag
og ang tubag
mao ang pagpili

sa akong kabahin
pagkahuman gayod nakog
timbang-timbang
akong gipili ang gamayng bato
nga akong gisulod
sa bulsa sa akong kasingkasing

busa ako ania
nagpabilin nga buhi
og sa kataposan
nahikalimot na gayod
kanimo