Saturday, August 14, 2010

ako sab


ako sab
apili ko sa pag-ihap

gusto sab
nakong ako mahimong ako
sama kanimo

ako sab
tagai og numero
kanang para ako lang

kamong tanan
kamo na
ako na lang ang
wala pa

gusto sab nako
nga ako mahimong
sama kaninyo nga
kamo

dugay pa
kaha?

apan unsaon pa
man nako
ang akong pagkaako
kong kamo
kamo na usab?

unsa pa ba
ang gamit sa akong
pagkaako
nga kamo kamo na man?

ah, ayaw na lang
misakay na ako
sa sulog sa kadaghanan
naaninag ko
sa tubig diha sa anino
sa adlaw
nga dili na
kinahanglan

wala na ang
ako
ania na ako
sa tanan.

No comments: