Monday, March 1, 2010

sari-sari

sari-sari ko
dili sira-sira

daghan ko uyamot
gikan sa batong
hangtod sa alugbati

gihimo kong syatong
ako miutong

ahos sa gabii
sili sa adlaw

panakot, sebuyas,
tanglad,
pahumot, pahalang
paaslom
sama sa iba
og hinog nga
bayabas

sa imong kinilaw
o paksiw

sari-sari ko
dili sira-sira

sa matag adlaw
naa ko
walay sipyat
imong kutloon
pilpilon
dukdukon
panitan

gisahon, tadtaron
pritohon,
bisag unsa na lang

walay bili
pwedeng balikan
pwedeng dili

apan bisan pa
niining tanan
wala ko
manira sa pultahan
og bintana

pirming abli
misabot nimo

No comments: