Saturday, March 6, 2010

ang mga maalamon nga imong giampoan

mabati mo ang ilang
kalamtik
sa hunahuna,

abi nimo og maayo
ang kaalam
wala nimo masukod
ang kalalom
sa ilang kamingaw

nagsuroy-suroy diha
sulod sa
saradong prisohan
sa ilang
utok

nakita nimo nga
sila morag
gipangsilotan
nanag-antos
gipanglutos
sa
gubot na kaayong
lambo
sa hunahuna

og ikaw
nakighimamat kanila
usa ka
kanila, mao kana
ikaw
gilamano

No comments: