sa usa ka mayor nga insikang simbolo sa dipolog
mao ang tulo ka kusgang mga lalaki
nga nag-alsa nianang
balaan nga kawa
nga puno sa tubig nga kanunayng
nag-agas
sa akong tan-aw
dili ba god kini hago?
dili ba kaha kini
simbolo sa usa ka pag-antos
ni Sisyphus?
dili ba kaha kini
mao ang pag-usik-usik
sa tubig
nga unta atong imnon
aron mahupay ang
atong kauhaw?
No comments:
Post a Comment