sa makaduha
sulitihan ko ikaw
nga dili tinood ang
akong gipanulti
unahon ko ikaw
sa kataposan
manirado ko
walay tingog ang mga salog
ug kisame
kon manakla na gani
ang tuko
ayaw ihapa
sa tunga-tunga ning
akong gipanghambog kanimo
nga mga bakak
sulayi ug silip ang bintana
diha sa kasadpan
basin moabot na ang tigulang
nga gadala sa dakong sugong
kay didto gitago ko ang
atong kamatooran
No comments:
Post a Comment