dili managsama

kon sulayan nimog awat
kapoy baya
kiwa ang pagsulhog
dili ka gawasnon
wala nimo gibati ang
tinood

moundang ka
mosugod balik sa imong
giagian
kadtong wala kay tsinelas
gadapat imong mga lapa-lapa
sa lapok
og miduko ka og mikawhat
sa usa ka palad nga tubig
og imong
giinom

gitulon mo ang para imo
og silang nanan-aw
nakasuka sa kalood

ingon ka
da! gaba ninyong mga
hilabtanon

kabahin kini sa akong
pagkagawasnon
kon inyo kining awaton
nindot
kon dili

walay nahitabo sa inyong
kinabuhi
miabot kamo nga walay
gilabyan