Hugyaw ni Aristophanes
Namalhin na sa Panganod
Diin nagpuyo ang mga disipulo
Ni Plato
Nahugyaw ang Philosophy Department
Og sa Pagkahibalo ni Lysistrata niini
Nangalipay ang tanang mga Lalaki
Nga dagkog Itlog
Karon
Miingon sila
Maundang na gayod ang Pagwalaytingganay
Magsugod na ang laing Gubat
Mabagtok ang mga Pilosopo
Mapak-an ang mga Baki nga Makalimot
Na pag-ambak og pagkokak
Og ang mga Pilosopo makat-on na
Usab unsaon Pag-usap ang mga Pagbati
Magkalibanga ang mga Rason
Mogitib ang mga Emosyon.
Ang kataposan nimong madungog
Nga si Lysistrata naburos naman hinoon
Dili sa iyang Bana.
Ang kuyog-kuyog niyang Tomboy
Namaligya na lang og chicharon
Didto sa Carbon.
No comments:
Post a Comment