sa atong hunahuna

kining lakaw usahay
nga walay klaro
pirming pangutana

asa na sab ang
sunod?
asa na sab
ang sunod?

tuod man
imong gitubag

wala kita'y tuyo
apan ayaw kabalaka
daghan
kaayo kitag padulngan
nga wa nato
sugod maadto

gani
wala kini kahumanan
kay
wala na kitay
paulian

nakita mo ba ang
suba sa
atong likod?

nabali na ang tulay
ug ang tanang
mga tiil didto
nahulog na
ug gidagit
sa usa ka
dakong sulog

lantaw sa unahan
ang balay
nga unta atong
balikan
hagbay rang
nasunog

wala na ang
babaye nga
magpaabot
wala na ang mga
nanay ug
tatay

karon
pangutana pa
kon asa na
sab ang sunod

wala na
ang kagahapon

busa mugnaon
ta ang sunod

mao kana ang
padulngan sa
tanan

naa ra kana
sa atong
hunahuna