Ingna ako ayaw
Nga sa usa ka halok sa imong uyab didto's Mias
Makita mo na kon unsa ang kinahayagang
Pagsalig
ang kinalamiang lami
diha sa pagbati
Ingna ako ayaw nga diha sa usa ka pagpaak sa usa ka
Tamboboan lamang
Mahibalag mo na ang
kataposan
Tanang kahimangha ba diha lamang sa usa
ka kasingkasing?
Sa usa ba lamang ka kinhason
manghambog ka nga nailhan mo na
ang
Dakong suba?
Ug diha sa usa ka lugas nga balas sa dagat
isulti mo kanako nga
Nabatyagan mo na ang
tibook kapupod-an?
Pasabta ako ayaw niini
Kay dili pa ako andam nga ako mahisama kanimo nga ilang
gitawag og
Buang.
