ako, ako, ako
sa atong panagbulag
og sa tumang kasakit
nawagtang ang
kita
og ang nahibilin nga
kugang sa nuka
mao na lang ang
ako
nawa ang kahulugan anang
kitang duha
sa paglabay sa mga katuigan
ang kita
nahimong kataw-anan
bulok, gahig-ulo, buang-buang
og ang ako
mao nay gihimong panag-ignan
ang maayo og
lig-on nga panginabuhi
ang mga langgam nga nanglabay
daghan, pundok,
nagpanaw paingon anang
kitang tanan
apan nakita nila ang mga gabon
og ang mga baybayon
diin miawit ako
kabahin nako
namati sila og gikan niadto
adunay mga langgam
nga imong Makita
diha sa mga gakit
nangita anang
ako
ako, ako, ako,
mao na kana ang awit sa mga
tikarol usab sa daplin
sa sapa
og sa mga kahoy sa bukid
No comments:
Post a Comment