Sa atong gipuy-an

Miingon siya nga

Ang kaminyoon dili lang

Balay o tabil-tabil

Sa mga nahiuna pa

Bugnaw, mas bugnaw

Pa gani ang 

Kaminyoon

Kanang ilalom sa kagwangan

Kanang langob

Kanang naa's tumoy sa habog

Nga bukid sa kaadlawon

Diin tapot ang katugnaw

Lapos pa gani sa bukog

Sahay mora sab

Tag bag-ong nasunugan

Naglingkod tupad

Sa mga basakan

Nag-usap og lagot

Og mam-on

Tan-aw sa mga aligato

Og agiw

Sa panahon sa kabugnaw 

Nakat-on tag himog 

Haling

Nakapangutana ta

Giunsa ba nato paglungtad

Ang mga katuigan?