puti nga itoy ang akong nakita kaniadtosa usa ka pet shop og sa walay pagduha-duha
mikuot ako og kwarta sa akong bulsa
bayad alang kaniya
sud sa akong pick-up gisulod ko ang itoy nga puti
og wala kini miiyak gani mitila pa kini sa akong
kamot nga mipahaluna kaniya sa itom
nga lingkoranan
pag-abot sa atong balay ako siyang gipainom og gatas
gipahaluna ang itoy nga puti sa iyang bag-ong panimalay
mibalik ako sa hospital aron pag-atiman kanimo
kay ikaw nakuhaan sa atong bugtong untang anak nga lalaki
pagkaputi pod gayod unta niya.
No comments:
Post a Comment