Pag-abot dinhi

Nabuhat nato ang atong gusto
Atong gibolabog ang mga damgo,gipalabi nato ang dagkong kakugi

Ang matag usa kanato, naghangop sa kagul-anan
Og atong gidapit ang kapildihon sama sa usa ka naandan nga dili maputol


Og karon ania kita dinhi
Ang panihapon andam na apan dili ta mangaon
Ang karne naglingkod sa tin-aw nga lanaw sa iyang sulaan
Nagpaabot ang bino


Pag-abot dinhi
Anaa ang ganti: kay walay gisaad, wala usa’y pagadalhon
Wala tay kasingkasing o makaluwas nga kaambong
Walay dapit nga kapaingnan, wala'y katarongan nga kita magpabilin.

(hubad sa balak “Coming to This” ni Mark Strand)