ugma sa sayo sa kaadlawon
sulaton ko ang pagbasol
ang kaulaw, akong sulayan
og tubag nganong
pirming ulahi kini silang
moabot sa atong kinabuhi
nganong ang mga kamot
motabon man sa atong mga
mata, nganong ikaulaw man
nato ang hulagway sa Diyos
nga napandol didto sa
nataran nga haw-ang
nga unta ang mga bato sakto
man sa pagtambag og
pahimangno og pagbadlong
ugma gayod dayon nako kini
sulaton samtang dili pa
ulahi ang tanan, kana kon
aduna pa akoy nahibiling
panahon sa akong mga
giputol-putol nga mga gutlo.
No comments:
Post a Comment